Football Club Internazionale Milano![]() | ||||
---|---|---|---|---|
![]() | ||||
![]() | ||||
Situación | ||||
Estáu | Italia | |||
Datos | ||||
Nome oficial | Football Club Internazionale Milano | |||
Tipu | club de fútbol | |||
Fundáu en | 9 marzu 1908 | |||
Propietariu |
![]() ![]() | |||
Presidente |
![]() | |||
Entrenador |
![]() | |||
Categoría | Serie A | |||
Instalaciones | ||||
Estadiu | Estadiu Giuseppe Meazza | |||
Capacidá | 75 817 | |||
Inaugurao | 19 set 1926 | |||
Direición | P.le Angelo Moratti, I-20151 Milano | |||
Dueñu de |
Oaktree Capital Management (es) ![]() Grupo Suning Holdings (es) ![]() | |||
Uniforme | ||||
| ||||
Proveedor | Nike | |||
Patrocinador | Pirelli | |||
Web oficial | ||||
![]() |
El Football Club Internazionale Milano S.p.A.[1], tamién conocíu como Internazionale, Inter, o Inter de Milán, ye un club de fútbol d'Italia con sede na ciudá de Milán, capital de la rexón de Lombardía. Foi fundáu'l 9 de marzu de 1908, sol nome de Foot-Ball Club Internazionale por cuarenta y cuatro disidentes del Milan Cricket & Football Club, actual A. C. Milan, que nesi tiempu nun aceptaba estranxeros nes sos files.
L'Inter Milano exerz de llocal nel Estadiu Giuseppe Meazza (tamién conocíu pol so antiguu nome, San Siro) dende 1947, que comparte col otru equipu, l'AC Milan.[2] Los colores qu'identifiquen al equipu son el negru col azul, y fueron utilizaos nos colores del so uniforme dende 1908.[1] Los sos rivales tradicionales son l'AC Milan, col qu'apuesta'l derbi de Milán (conocíu popularmente n'Italia como'l Derby della Madonnina) y la Juventus de Turín, con quien s'enfrenta nel derbi d'Italia (Derby d'Italia n'italianu).[3][4]
Ye unu de los clubes más ganadores y con mayor sonadía históricamente d'Italia, Europa y el mundu.[5] L'Inter Milano ye'l segundu equipu más esitosu del fútbol italiano, con 30 títulos a nivel llocal (18 lligues, 7 copes y 5 supercopes), siendo solu superáu pola Juventus. A nivel internacional llogró proclamase campeón trés vegaes tantu de la Copa de la UEFA como de la Lliga de Campeones de la UEFA (nes temporaes 1963/64, 1964/65 y 2009/10), dempués de lo que llogró nos trés causes la Copa Intercontinental (posterior Copa Mundial de Clubes de la FIFA).[6] Ye l'únicu equipu que participó en toles ediciones de la Serie A, competición instaurada nel añu 1929. Hasta'l 2006 compartía dichu honor cola Juventus, que tres el Calciopoli foi baxáu alministrativamente a la Serie B.[7] Un fechu a destacar ye que l'Inter ye'l primer y únicu equipu italianu que consiguió un triplete (tres títulos nuna mesma temporada), al proclamase campeón de la Serie A, Copa Italia y Lliga de Campeones de la UEFA na temporada 2009/10,[8] amás de consiguir un quintuplete (ganando tamién la Supercopa d'Italia y el Mundial de Clubes), llogrando esti finxu nel 2010.[9]
Acordies coles estadístiques realizaes por Federación Internacional d'Historia y Estadística de Fútbol (IFFHS), l'Inter de Milán ye'l tercer meyor equipu italianu y sestu meyor d'Europa del sieglu XX,[10] y el meyor club italianu y el quintu meyor del fútbol europeo del sieglu XXI.[11] Amás de tar allugáu nel sestu llugar de la clasificación histórica del ranking mundial de clubes, onde s'escoyíen a los meyores clubes del mundu dende'l 1 de xineru de 1991 hasta'l 31 d'avientu de 2009.[12] Hai de solliñar tamién que según la clasificación añal de clubes realizada pola mesma entidá, foi'l meyor equipu del fútbol mundial nos años 1998 y 2010.[13][14]
L'equipu ye'l decimocuartu meyor valuáu del mundu, al tener un valor de 401 millones USD, d'alcuerdu a la revista Forbes.[15] Ye unu de los clubes más populares del mundu, yá que según un estudiu realizáu en 2010, l'Inter de Milán ye l'octavu club con más siguidores d'Europa.[16] Tamién cabo destacar que'l club formó parte (como miembru fundador) de la Asociación de Clubes Europeos (antigua G-14), grupu compuestu polos catorce clubes más poderosos ya influyentes tanto económica como deportivamente d'Europa.[17]
© MMXXIII Rich X Search. We shall prevail. All rights reserved. Rich X Search